لاتصعد زوجتك بالسياره؟؟!!جنفشاري

بشار البغدادي الثلاثاء أغسطس 05, 2008 8:31 pm

يابه يكلك فد يوم واحد ديمشي بالسياره على الخط السريع ومرته كاعده يمه وطاير بالسياره(لان ديتفيك كدام مرته)

جان مناك يشوفه شرطي راكب بماطور رئسأ اخونه الشرطي شغل الصافره مالته وطار وره ابو السياره وكله أخي اطبك السياره.

رئسأ اخونه طبك وضحك بوجهه الشرطي وكله ها اخويه شنوا لمشكله(طبعأ لللواكه)

الشرطي :حبيبي انطيني اجازتك وسنويتك لان اتجاوزت السرعه المحدده.

الرجال:اخويه وداعتك هستوني عبرت ال 60

الزوجه:لا حبيبي انته عبرت ال 160 شنو متدري بروحك!!

الرجال شيسوي كدام الشرطي باوع على مرته بنظرة حقد مال واحد رح يتغرم عشرين الف!!.

الشرطي:حبيبي عدك البك لايت همين مكسور هايه هم غرامه لخ!!

الرجل:مكسور؟؟ اني مجنت ادري بيه مكسور وعيونك اخويه(طبعأ جذب)

الزوجه:أي يدري بي وصارلي يوميه اكله سوي يكله يمعوده دروحي مابيه حيل.!!

الرجل:انطاهه نظرة حقد ثانيه.!!

الشرطي:هاي شنو هاي حته حزام الامان مرابطه؟

الرجل:لا هايه هسه من وكفتنه انته هسه فتحته(غير ابو دروب).!!

الزوجه:لا لا عمري اصلآ انته متحب حزام الامان(هايه القاضيه).!!

الرجل:اندار عليهه وصيح وكللهه انتي متعرفين تسكين

الشرطي سال زوجته وكلهه هوه كل مره يصيح عليج؟

الرزوجه:لا بس يمكن سكران؟؟

الشرطي:سكـــــــــــران!!

الرجل: لاجذب وعيونك اخويه؟

الزوجه:لتصدك بي جذاب يوم الي بكنه السياره جان بيهه بطل!!

الشرطي: يعني السياره مسروقه!!!

الرجل:كام يمتمت بالحجي وكله مس مس مسروقه لااخويه لتصدك بيهه جذابه هايه؟؟ واندار على زوجته وكللهه تسكتين تره اطلكج هسه والله!!

الشرطي سئل زوجته كللهه هوه دائما يهددج بالطلاك؟؟؟

الزوجه:هوه خلي يصير براسه خير ويزوجني عود بعدين يطلكني!!؟؟خخخخخخخخ

هههههههههههههه خطيه ألآخ راح بيهه اعدام هع هع

مع تحياتي