رد: &*&(( دارميـــــــــ،،،،ـــــــــــات ))&*&

magic_girl91 الإثنين أغسطس 04, 2008 11:27 pm

عزيزي منذر ...
سرّني وجودك في صفحتي ...
و امتعني ما صغت من روائع الكلمات ...
فرسمت بروعة حروفك اجمل لوحة لارقى فنان...
دمت لنا بود ...
:
:
:

~_MoNThEr_~ الإثنين أغسطس 04, 2008 10:32 pm

رووووووووعة

كم هو رائع التمتع في بستان كلماتك

لننهل منه اجمل واروع التعابير

دوما الشفافيه تتوج خواطرك

والسحر والعذوبه هما عنوانها الدائم

كم يعجبني تسلل الافكار باحاسيسك

لتجسديها مشاعر وكلمات ولا اروع

دائما انتظر بشوق بوح قلمك

لارتوي من جمال افكارك ونبض قلمك

بكل ودي ومحبتي

تقبلي مني مروري ونثر كلماتي

منـ ـ ـ العراقي ـ ـ ـذر

magic_girl91 الإثنين أغسطس 04, 2008 4:19 pm

[center]

كون الله هسه اليوم ياخذهه روحي
وانسى اذى المحبوب وتخلص جروحي

كون الله هسه اليوم ياخذني وياك
ظلمه يا ضي العين العيشه بلياك

ياما شفت حلوات بس انتي الاحلة
يالعينج سواد الليل ومن غير كحلة

شحجي شكل للناس من همي شحجي
مليان بالحسرات بس احجي ابجي

اگعد بنص الليل واذكر وليفي
وبحجة الحلمان ابچي على كيفي

شكتب شلملم بيك و اوصافك هواي
اصبر و اشوف شلون حكم الله وياي

ما خايف من الموت ... وايام الحساب
كل خوفي دفني يصير.. بيدين الاغراب

صافن واعد نجوم وايدي على خدي
هم حزن هم فراك هم انته ضدي

ياگمر تالي الليل شوفنة الاخبار
نايم حبيب الروح لو مثلي محتار

لو تدري بيها الروح هامت بلياك
ميت .. جسد ظليت يحيني ملكَاك

كطعني بيدك وصل وشيعني بعد الموت
لو مر خيالك خطف اطفر من التابوت

ارد امشي للعباس وابجي بظريحه
وكله تجمعني بالاحباب وقلبي تريحه

دارين الك بلروح دار اعلى من دار
شوق ومحبة وطيب وبكيفك اختار

انت الكلب والروح يا مي العيون
مالــك شغل بالناس شما يكولون

الحب حلو وغدار الحب مصايب
جربتة واني صغير سواني شايب

من السمه للكاع ذبتــني دنـياي
وخايف اصيحن اخ وتتشمت اعداي

يا حلوه من شفناج شكوانه بس ويل
من شعــرج يكولون يتكحل الـليل

شدني ابجذع من نار ورميني جيلات
ايدفنوني اجيك بلـيل بلكـبر مابات

انهاهـه وتهم بيـك انهاهه وتنـــــوح
فزت توالي الــليل وتريدك الــــروح

رش الدرب تيــزاب حافي أعتـني لـَـك
جا شٌـلي بالرجليـن الما تجي لـــــــك

يالردت عني اتروح خليلي صبرين
واحد يصبر الروح والثاني للعـــين

دم القلب بجفاك سال من العيون
مو حب طبيعي هواك بيك انه مجنون

ليش انت هيچ وياي تجرحني دومك
تدريني احبك حيل من خرب بيومك

مو من مرض ونيت من شوكي الكم
لو بيدي احط الروح يم باب اهلكم

تسألني كل الناس عن امنياتي
اتمنة بس وياك تخلص حياتي

كالولي بنت الناس دكتورة طلعت
عالجت كل الناس بس قلبي قطعت

يلعشت بين الروح لاتضن ناسيك
بالكلب رجفه تصير من يمر طاريك

ياهم تشيله الروح ياهم تحطه
كلما أصفي الماي دهري يخبطه

ياهم تشيله الروح ياهم تحطه
كلما أصفي الماي دهري يخبطه

مابيّ اصبر الروح من يجبل هواي
مثل السعف بالريح تتراجف عضاي

هم حلو .. وهم إزغيــر .. هم أسود عيون
بس بيه طبع مو زين من يوعد إيخــــون

:
:
:
تحيــــــgirlــــــاتي السحـــــmagicــــــريه

&&(( دارميـــــــــ،،،،ـــــــــــات ))&&

رد: &&(( دارميـــــــــ،،،،ـــــــــــات ))&&

عاشـــــــت ايدج ياغالية

&&(( دارميـــــــــ،،،،ـــــــــــات ))&&